ბიზნეს-საკონსულტაციო კომპანია „EXPERTO“-მ, რომელმაც საქართველოს ბაზარზე შესვლისთვის საჭირო სერვისების განხორციელება პირველმა დაიწყო - განაცხადა, რომ ამერიკული კომპანია „Midas“-ის ოფიციალურ წარმომადგენლად დაინიშნა საქართველოს ბაზარზე. „Midas“-ი ავტო სარემონტო სერვისს 4000-ზე მეტ ლოკაციაზე უზრუნველყოფს მსოფლიოს მასშტაბით.
„მოხარულები ვართ, რომ წარმოვადგენთ „Midas“-ს და დავეხმარებით მას საქართველოს ბაზარზე დამკვიდრებაში. უკვე 60 წელია „Midas“-ი მსოფლიო ლიდერი კომპანიაა ავტომობილების შეკეთებისა და აღდგენის მიმართულებით. კომპანია ორიენტირებულია ხარისხიანი სერვისის მიწოდებაზე და მათი პროფესიონალიზმი დიდი უპირატესობა იქნება ქართველი მომხმარებლისთვის“ - განაცხადა „EXPERTO“-ს დამფუძნებელმა და მმართველმა დირექტორმა ლუდვიკ ჟირომ.
ევროპასა და საქართველოში „Midas“-ს წარმოადგენს „Mobiva“, რომელიც დიდი ფრანგული ჰოლდინგის წევრია. „Mobiva“-ში 21 000-ზე მეტი ადამიანია დასაქმებული. იგი 6 სხვადასხვა სექტორსა და 21 კომპანიას აერთიანებს. „Mobiva“ ფლობს „Midas“-ის ფრანჩაიზს საფრანგეთში, ესპანეთში, იტალიაში, პორტუგალიაში, ავსტრიაში, ბელგიასა და ჩრდილოეთ აფრიკაში.
„ჩვენი კომპანია დაინტერესებულია საქართველოს ბაზრის სპეციფიკით და ჩვენ ძალიან ვაფასებთ „EXPERTO“-ს წვლილს „Midas”-ის ოპერირებისა და გაფართოებისთვის საჭირო ინვესტორის მოძიების საკითხში. ბაზარზე „Midas“-ის გამოჩენა ახალ შესაძლებლობებს მისცემს ავტომობილისტებს და გააუმჯობესებს პროფესიონალური სერვისის დონეს“ - განაცხადა ლაურენტ პომიემ, „Midas“-ის ევროპული ნაწილის საერთაშორისო განვითარების დეპარტამენტის დირექტორმა.
„Midas“-ი ავტომობილების ტექნიკური მომსახურების სრულ სერვისს სთავაზობს მომხმარებელს სხვადასხვა ბრენდის ავტომობილებისთვის, რაც ყველა მიმართულებას მოიცავს მუხრუჭების, ფილტრების, ელექტრო დიაგნოსტიკის, კონდინცირებისა და კონუსის ჩათვლით. „Midas“-ის ლოჯისტიკა არ შეიძლება შევადაროთ პატარა ზომის ადგილობრივი სერვის ცენტრების ოპერირების შესაძლებლობებს. „Midas“-ის სათადარიგო ნაწილების ხარისხი საერთაშორისო სტანდარტების შესაბამისია და რაც მთავარია, კომპანია კონკურენტულ ფასს სთავაზობენ მომხმარებელს. ზემოთ აღნიშნული ფაქტები მომხმარებელთა კმაყოფილების გარანტიას იძლევა.
„Midas“-ის სერვის ცენტრები 2 მილიონზე მეტ მომხმარებელს ემსახურება ევროპაში. კომპანიის ცოდნა და გამოცდილება მნიშვნელოვანი გარდატეხა იქნება საქართველოს ბაზარზე და ეს დაეხმარება ქვეყანას ავტო სარემონტო მომსახურების სექტორის განვითარებაში“ - განაცხადა ჟირომ.
