ევროპაში ერთ-ერთი ყველაზე სწრაფად მზარდი დაბალბიუჯეტიანი ავიაკომპანია Wizz Air WIZZ Discount Club-ის ერთგულ მომხმარებლებს აძლევს შესანიშნავ შანსს, ნაადრევად იზრუნონ წმ. ვალენტინის დღის განსაკუთრებულად აღნიშვნაზე და დღეს, 8 თებერვლის ღამის 12 საათამდე დაჯავშნულ ყველა რეისზე მათ 20%-იან ფასდაკლებას სთავაზობს.
„როდესაც არსებობს რეისი ისეთ მინიმალურ ფასად, როგორიცაა 24,99 ლარი/€ 9,99, თქვენ გაქვთ შესანიშნავი შესაძლებლობა, ისარგებლოთ შეთავაზებით, გაემგზავროთ Wizz Air-ის ქსელის ერთ-ერთი რომანტიული მიმართულებით და ცხოვრება კიდევ ერთი, სპონტანურად დაგეგმილი თავგადასავალით გაიმდიდროთ.
ესტუმრეთ ბერძნული მითოლოგიის სიყვარულის ქალღმერთ აფროდიტეს სასახლეს ათენში, გაისეირნეთ შეყვარებულების ხიდზე ისტორიულ პრაღაში, აღმოაჩინეთ ლონდონის რომანტიული ქუჩები, მოიწყვეთ განტვირთვა ხმაურიან და თანამედროვე ბერლინში, ეზიარეთ იტალიურ განწყობას მილანში ან ისიამოვნეთ კოქტეილებითა თუ საცურაო აუზით მზიან ლარნაკაში.
ჯერ არ იცით, სად გსურთ გამგზავრება? გადაწყვეტილების მიღებაში Wizz Air-ის ვებ-გვერდზე არსებული მგზავრობის დაგეგმვის სერვისი დაგეხმარებათ. თქვენ მხოლოდ მიუთითეთ თქვენი პრიორიტეტები, დანარჩენზე კი Wizz Air იზრუნებს და რომანტიული მიმართულებების შთამბეჭდავ არჩევანს თავად შემოგთავაზებთ.
თუ ჯერ არ გყავთ მეორე ნახევარი, მეგობართან ერთადაც ხომ შეიძლება საინტერესო მოგზაურობის დაგეგმვა? ვინ იცის, იქნებ სადღესასწაულო რომანი გელოდებათ სწორედ იმ 9 ქვეყნის 13 მიმართულებიდან ერთ-ერთში, სადაც Wizz Air ქუთაისიდან დაფრინავს“, აღნიშნულია ავიაკომპანიის მიერ გავრცელებულ ინფორმაციაში.
ცნობისათვის, 20%-იანი ფასდაკლება ეხება WIZZ Discount Club-ის წევრების მოსაკრებელსა თუ გადასახადებსაც, თუმცა მასში არ მოიაზრება ფასდაკლება ადმინისტრაციულ საფასურზე. შეთავაზება ხელმისაწვდომია 8 თებერვლის ღამის 12 საათამდე. მოგზაურობის პერიოდი შეზღუდულია მაქსიმუმ 2018 წლის 31 მაისამდე. აქვე უნდა აღინიშნოს, რომ ფასდაკლებით სარგებლობისთვის, საჭიროა, ბილეთი დაიჯავშნოს wizzair.com-ზე ან WIZZ მობილური აპლიკაციით.
