ირანი იმედოვნებს 2018 წელს რუსულ ნავთობისა და გაზის კომპანიებთან კონტრაქტების ხელმოწერას, კერძოდ, თანამშრომლობას კომპანიებთან "როსნეფტი" და "გაზპრომი". ამის შესახებ განაცხადა ირანის ელჩმა რუსეთის ფედერაციაში მეხდი სანაიმ.
მისი თქმით, გასული წელი კარგი იყო ენერგეტიკაში ორმხრივი კონტრაქტების განვითარების თვალსაზრისით, შეიძლება ითქვას მნიშვნელოვან პროგრესზე. მიღწეულ იქნა ურთიერთგაგება ნავთობისა და გაზის რუსულ კომპანიებთან და ირანის ნავთობის სამინისტროსთან.
სანაის თქმით, 6 მსხვილ რუსულ ნავთობისა და გაზის კომპანიას გააჩნია მემორანდუმი, ზოგიერთმა კი უკვე წარმოადგინა პროექტების მიმართ თავიანთი კვლევები.
"ვიმედოვნებთ, რომ ეს გამოიწვევს 2018 წელს კონტრაქტების ხელმოწერას. კომპანიები აწარმოებენ საბადოების კვლევებს, ზოგიერთი კი უკვე ახლოსაა კონტრაქტების ხელმოწერასთან".
