რუსეთის პრეზიდენტი დიმიტრი მედვედევი დარწმუნებულია, რომ რუსი და ქართველი ხალხების მეგობრობის დანგრევასა და შებღალვას ვერავინ შეძლებს.
"ამ მეგობრობას ვერ გააფუჭებს ვერც ერთი პოლიტიკოსი და ვერ შებღალავს, იმიტომ, რომ იგი რეალურად გამოცდილია საუკუნეებით და რუსებისა და ქართველების გულებიდან მოდის", _ განაცხადა დღეს მედვედევმა კრემლში სახელმწიფო ჯილდოების გადაცემის საზეიმო ცერემონიალზე.
მედვედევმა ასევე განაცხადა, რომ დაჯილდოებულებს შორის არიან ისეთი ქართველები როგორებიცაა - მოქანდაკე ზურაბ წერეთელი და მომღერალი თამარ გვერდწითელი.
რუსეთის პრეზიდენტმა აღნიშნა ისიც, რომ ორი ხალხის კავშირი ერთ საუკუნეს როდი ითვლის. მან განაცხადა ისიც, რომ უახლოეს დღეებში "ქართველი და რუსი ხალხის მეგობრობის საფუძვლის ჩამსახველი, 1783 წელს გაფორმებული გეორგიევსკის ტრაქტატის მორიგი წლისთავი აღინიშნება".
დაჯილდოებულებზე საუბრისას მედვედევმა აღნიშნა, რომ _ ეს მხოლოდ მათი ნიჭის აღიარება არ არის, ეს არის "დიდი პირადი ღვაწლი და წვლილი საერთოკულტურული დიალოგის განვითარებაში და რუს და ქარველ ხალხებს შორის ძმური კავშირების გამტკიცებაში".
