ბიზნესომბუდსმენი ირაკლი ლექვინაძე მიიჩნევს, რომ სასოფლო-სამეურნეო მიწის რეგისტრაციასთან დაკავშირებული საკითხების განხილვაში ბიზნესის ჩართულობა მნიშვნელოვანია.
როგორც ბიზნესომბუდსმენმა ჟურნალისტების კითხვის საპასუხოს განაცხადა, სასოფლო-სამეურნეო მიწის რეგისტრაციასთან დაკავშირებული საკითხები ბიზნესასოციაციებსა და ბიზნესგაერთიანებებში, რომლებიც სოფლის მეურნეობის მიმართულებით, ერთ-ერთ პრიორიტეტულ საკითხად არის წარმოდგენილი.
„ამ შემთხვევაში ორი მთავარი მიზეზი სახელდება, ერთი უკავშირდება ინვესტიციებს, რომლებიც ამ ცვლილებების შედეგად შესაძლოა შემცირდეს, და მეორე ეს არის საბანკო ვალდებულებების ნაწილი, რადგანაც მიწა ცვლილების შემდეგ შეიძლება ჩაითვალოს რისკიან აქტივად და მათთვის ფინანსურ რესურსზე ხელმისაწვდომობა შესაძლოა გართულდეს.
თუმცა მთავარი რაც მგონია ამ საკითხში არის ის, რომ მიწასთან დაკავშირებით სამუშაო პროცესში ბიზნესის ჩართულობა უფრო მეტი უნდა იყოს, რადგანაც უფრო მეტად იყოს შეჯერებული პოზიციები. ვფიქრობ, რომ ერთი მხრიდან ბიზნესის არგუმენტები ყურადსაღებია, მაგრამ არის მეორე მხარეც, რომელიც უკავშირდება ქვეყნის უსაფრთხოების საკითხებს და მგონია, რომ უფრო მეტი ჩართულობით ამ საკითხში გარკვეული კონსენსუსი მიღეული იქნება", - განაცხადა ლექვინაძემ.
