ბათუმის მერმა ლაშა კომახიძემ არასამთავრობო ორგანიზაციების, მედიისა და საზოგადოების წარმომადგენლებთან შეხვედრა გამართა, რომელზეც აჭარის მთავრობასთან კოორდინირებული მუშაობის შედეგად მიღებული მინშვნელოვანი გადაწყვეტილებები წარმოადგინა ქალაქის ისტორიული განაშენიანების სპეციალურ ზონაში.
კერძოდ:
- ქალაქის ისტორიულ სპეციალურ ზონაში პროექტის მაქსიმალური დასაშვები სიმაღლე 15 მეტრიდან 12 მეტრამდე იწევს;
- დახვეწილი არქიტექტურა შესაბამისი ვიზუალური სტანდარტით;
- მუნიციპალური პროგრამა ისტორიული ზონის განაშენიანების სპეციალური ზონის მაცხოვრებლებისთვის.
როგორც მერმა განაცხადა, მუნიციალიტეტი იწყებს ისტორიულ ბათუმში კულტურული მემკვიდრეობის ძეგლების, ასევე მათი მიმდებარე ფონური ნაგებობების (საწყის ეტაპზე ძეგლის ფიზიკური დაცვის არეალში) ეტაპობრივად მუნიციპალურ საკუთრებაში გამოსყიდვას მაცხოვრებლებისთვის ალტერნატიული ფართის შეთავაზების გზით.
შემდეგ ეტაპზე კი, მოხდება ამ შენობების რეაბილიტაციის პროექტების შემუშავება კულტურული მემკვიდრეობის დაცვის სააგენტოს ჩართულობით და ინვესტორებისთვის პირობიანი საინვესტიციო წინადადებების შეთავაზება. შეხვედრაზე მერმა ასევე წარმოადგინა:
- ქალაქ ბათუმის ისტორიული განაშენიანებისა და განაშენიანების რეგულირების დაცვის ზონების ( გეოგრაფიკის მიერ სემუშავებული) დოკუმენტის დამტკიცებასთან დაკავშირებული გეგმები.
- ქალაქ ბათუმის მიწათსარგებლობის გენერალური გეგმის სემუშავებასთან დაკავშირებული საკითხები.
ბათუმის კულტურული მემკვიდრეობის დამცავი ზონების დოკუმენტი გათვალისწინებული იქნება ქალაქის მიწათარგებლობის გენერალური გეგმაში, რომლის ტექნიკურ დავალებაზე მუშაობა ამ ეტაპზე მიმდინარეობს.
გენგეგმის შემუშავებაზე კონკურსი ტექნიკურ დავალებაზე მუშაობის დასრულების შემდეგ, მიმდინარე წლის მარტში უნდა გამოცხადდეს.
