ავიაკომპანია Etihad Airways-ი ყველა მიმართულებაზე ბარგის გადაზიდვის პოლიტიკას ცვლის. ავიაკომპანიის ინფორმაციით, ამიერიდან იცვლება გადასაზიდი ბარგის წონა და არა ტვირთის ადგილების რაოდენობა.
Economy Deal ტარიფის შემთხვევაში ბარგის წონა 23 კგ-ით განისაზღვრა, Economy Saver-ს და Classic-ის შემთხვევაში კი 30 კგ-ს შეადგენს.
ხოლო ტარიფ Economy Flex-ის შემთხვევაში გადასაზიდი ბარგის მაქსიმალური წონა 35 კგ-ს უნდა შეადგენდეს.
ასევე ბიზნესკლასის მგზავრს ბორტზე 40 კგ-ს ბარგის ატანა შეეძლება, ხოლო პირველი კლასის მგზავრებისათვის ბარგის წონა 50 კგ-ით განისაზღვრა.
Etihad Airways-ის მგზავრებს ბარგთან დაკავშირებული დეტალური ინფორმაციის მიღება შეუძლიათ საიტზე: https://www.etihad.com/en/before-you-fly/baggage-information/allowances/
