საქართველოში SLY-ს მარკის საღებავების წარმოება იწყება. როგორც აჭარის სავაჭრო-სამრეწველო პალატაში განმარტავენ, თურქული კომპანია SLY, რომელიც თურქეთში საღებავებს აწარმოებს, საქართველოში შემოსვლითაც დაინტერესდა და ახალ საწარმოს მალე ქუთაისში აამუშავებს. როგორც აჭარის სავაჭრო-სამრეწველო პალატის პრეზიდენტი თამაზ შავაძე აცხადებს, ინვესტორი საწარმოს გაზაფხულიდან აამუშავებს და წარმოებულ პროდუქციას ადგილობრივი ბაზრის გარდა ამიერკავკასიის ბაზარსაც მიაწვდის.
თამაზ შავაძე განმარტავს, რომ აჭარის სავაჭრო-სამრეწველო პალატის დახმარებით დაფუძნებული შპს SLY-Georgia SLY მარკის სამშენებლო საღებავების მწარმოებელ საწარმოს ქუთაისში, ირაკლი აბაშიძის 21-ში გახსნის.
"პალატა მსგავსი მცირე საწარმოების გახსნის ხელშეწყობის კუთხით თავის ძალისხმევას მომავალშიც გააგრძელებს", აცხადებს შავაძე.
