ავიაკომპანია Turkish Airlines-ის თვითმფრინავი, რომელიც ასრულებდა რეისს სტამბოლი-მოსკოვი ტექნიკური პრობლემის გამო სტამბოლის ათათურქის სახელობის აეროპორტში დაბრუნდა.
Turkish Airlines-ის Airbus 330, რომლის ბორტზეც 164 მგზავრი იმყოფებოდა, განრიგის მიხედვით აეროპორტიდან 09:32 საათზე აფრინდა. თუმცა უკრაინის საზღვართან თვითმფრინავში ჟანგბადის ნიღბები ჩამოიშალა.
წინასწარი ინფორმაციის მიხედვით, პილოტების კაბინაში წნევის დავარდნა მოხდა. ლაინერმა 12:00 საათისათვის ათათურქის აეროპორტში წარმატებული დაშვება განახორციელა, სადაც კომპანიამ მგზავრების ტრანსპორტირებისთვის მეორე თვითმფრინავი გამოყო.
