რუსეთის სამხედრო საზღვაო ფლოტის მთავარი შტაბის მაღალჩინოსანის განცხადებით, რუსეთის მონაწილეობა ნატოს საზღვაო ანტიტერორისტულ ოპერაციებში ხმელთაშუა ზღვაში "აქტიური ძალისხმევა" შეჩერებულია.
"ამჟამად ჩვენთვის უფრო მეტად აქტუალურია ორი ოპერაცია: ბრძოლა მეკობრეების წინააღმდეგ ადენის ყურეში და "შავი ზღვის ჰარმონია", სადაც რუსეთის სამხედრო საზღავო ფლოტი და თურქეთის სამხედრო საზღვაო ძალები უზრუნველყოფენ შავ ზღვაში მყოფი უცხოური გემების უსაფრთხოებას", - აცხადებს რუსი ადმირალი "რია ნოვისტისთან" საუბარში.
ნატოს ოპერაცია ხმელთაშუა ზღვაში 2001 წლის შემდეგ, აშშ-ზე განხორციელებული ტერორისტული აქტის შემდეგ ტარდება და ითვალისწინებს ხმელთაშუა ზღვაში გემების მოძრაობის უსაფრთხოების დაცვას.
