შს სამინისტრო ძალისხმევას არ იშურებს, რათა დროულად აღკვეთოს მძიმე დანაშაულებები და მოახდინოს მისი პრევენცია, - ამის შესახებ დღეს გამართულ ბრიფინგზე საქართველოს შინაგან საქმეთა სამინისტროს კრიმინალური პოლიციის დეპარტამენტის უფროსმა მამუკა ჭელიძემ განაცხადა.
”შს სამინისტრო ძალისხმევას არ იშურებს, რათა დროულად აღკვეთოს მძიმე დანაშაულებები და მოახდინოს მისი პრევენცია. ჩატარებული ოპერატიული საგამოძიებო მოქმედებების შედეგად ბოლო პერიოდში ამოღებულია დიდი რაოდენობით ცეცხლსასროლი იარაღი და საბრძოლო მასალა, რომელიც შესაძლებელია დანაშაულის ჩადენის იარაღი გამხდარიყო. ბოლო ერთი თვის განმავლობაში სამართალდამცველებმა კახეთში, აჭარაში, სამცხე-ჯავახეთში, სამეგრელოსა და თბილისში ჩატარებული ოპერატიული საგამოძიებო მოქმედებების შედეგად ამოიღეს 1 ავტომატი, 1 მცირე კალიბრიანი შაშხანა, 7 პისტოლეტი, 125 საბრძოლო ვაზნა, 5 მჭიდი და სხვა სახის იარაღი. თითოეულ საქმეზე გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ფაქტზე მიმდინარეობს. ჩადენილი დანაშაული 4-დან 6-წლამდე თავისუფლების აღკვეთას ითვალისწინებს. სამცხე-ჯავახეთში მოქალაქეებმა სხვადასხვა ტიპის ცეცხლსასროლი იარაღი და საბრძოლო მასალა ნებაყოფლობით ჩააბარეს. აღნიშნული პირები საქართველოს სისხლის სამართლის საპროცესო კოდექსის შესაბამისად სისხლის სამართლებრივი პასუხისმგებლობისგან გათავისუფლდნენ”, - განაცხადა ჭელიძემ.
