„საქმის მასალები ჯერ არ გადმოუციათ, გუშინ მასთან გასაუბრება ვერ შევძელი, რადგან ძალიან ცუდად არის. მას დროებითი მოთავსების იზოლატორში სამედიცინო შემოწმება ჩაუტარდა, დაზიანება მხარში, სახის არეში აქვს მიყენებული, სავარაუდოდ, შინაგანი ორგანოების დაზიანებებიც უნდა იყოს, დღეს გადაიყვანენ ექსპერტიზაზე. ბრალი ჯერ არ წარუდგენიათ“, - განუცხადა „ჯი-ეჩ-ენს“ 18 წლის საბა სამუშიას ადვოკატმა, ირმა შალამბერიძემ.
ბრალდებულის აღკვეთის ღონისძიებაზე სასამართლო სავარაუდოდ, დღეს იმსჯელებს.
შეგახსენებთ, რომ გმირთა მოედანზე, რესტორან „აღაში“ დაბადების დღეზე დაწყებული დაპირისპირება სამი ადამიანის დაჭრით დასრულდა. არსებული ინფორმაციით, ბრალდებული აღნიშნულ რესტორანში მიწვეული მომღერალი იყო.
