ყოფილი პოლიციელი ოსკარ პერესი, რომელმაც 2017 წლის ივნისში ვენესუელის უზენაეს სასამართლოს მოპარული ვერტმფრენიდან ხელყუმბარები ესროლა, 15 იანვარს კარაკასში მოკლეს. ამის შესახებ ტელეკომპანია სიენენი იტყობინება. მკვლელობის დღეს ვენესუელის პრეზიდენტმა ნიკოლას მადურომ დეპუტატების წინაშე სიტყვით გამოსვლისას განაცხადა, რომ უზენაეს სასამართლოზე თავდამსხმელების წინააღმდეგ სპეცოპერაცია ჩატარდა. მისივე თქმით, სპეცოპერაციისას რამდენიმე ბოროტმოქმედი დაიღუპა, 5 დააკავეს. მადურო ისინი ტერორისტებად მოიხსენია. პერესმა გარდაცვალების დღეს ვიდეო გამოაქვეყნა, სადაც ამბობს, რომ პოლიცია მის წინააღმდეგ სპეცოპერაციას ატარებს.
