საბერძნეთში საპროტესტო აქცია დემონსტრანტებსა და სამართალდამცველებს შორის დაპირისპირებაში გადაიზარდა. პოლიციამ მანიფესტანტები ცრემლსადენი გაზით დაშალა.
საბერძნეთის ტრანსპორტისა და სამედიცინო დაწესებულების მუშაკების გაფიცვა უკვე რამდენიმე დღეა, გრძელდება. გაფიცვის გამო პარალიზებულია ათენის მეტრო, რომელსაც ყოველდღიურად ერთ მილიონზე მეტი ადამიანი გადაჰყავს.
პროტესტი საბერძნეთის პარლამენტის მიერ შემუშავებულ კანონპროექტს მოჰყვა, რომელიც მოქალაქეთა შემოსავლების რესტრუქტურიზაციას და გაფიცვების შეზღუდვას ითვალისწინებს.
