ლვოვში წითელას ვირუსით 74 ადამიანი დაავადდა. მათგან 49 ბავშვია.
შექმნილი ვითარების გამო ქალაქის მერმა ანდრეი სადოვოიმ საგანგებო ბრიფინგი გამართა. მისი თქმით, რთული სიტუაციაა სახოვის დასახლებულ რაიონში, სადაც წითელათი 9 ბავშვი დავირუსდა და ამის გამო კარანტინი გამოცხადდა. რაც შეეხება სასწავლო პროცესს, მისი შეწყვეტის აუცილებლობა ჯერჯერობით არ არსებობს.
წითელათი დაავადების 87 შემთხვევაა გამოვლენილი კიევშიც. 13 იანვრის მონაცემებით კი გასულ წელს უკრაინის მთელ ტერიტორიაზე ვირუსით დაავადების 4782 შემთხვევაა აღრიცხული.
