დეტროიტის ავტოშოუზე მერსედეს ბენცის ახალი მოდელი არნოლდ შვარცენეგერმა წარადგინა. კალიფორნიის ყოფილმა გუბერნატორმა 2019 წლის მოდელი თავად გაატარა და რამდენიმე რთული მანევრიც შეასრულა. ავტომობილის სცენაზე გაყვანის შემდეგ კინოვარსკვლავმა აუდიტორიას მიმართა და განაცხადა, რომ 25 წელია მერსედესის ჯიპი ჰყავს. მან ავტოკონცერნის ხელმძღვანელი სიმბოლურად კოვბოის ქუდითაც დაასაჩუქრა.
