ჩეხეთის პრეზიდენტობის კანდიდატი ირჟი დრაგოში რუსეთს არჩევნებში ჩარევაში ადანაშაულებს. ამის შესახებ მან ადგილობრივი რადიოსთვის მიცემულ ინტერვიუში განაცხადა. დრაგოშის თქმით, არჩევნებში მისი კონკურენტის, მოქმედი პრეზიდენტის, მილოშ ზემანის გამარჯვებით რუსული სპეცსამსახურები არიან დაინტერესებულნი. საპრეზიდენტო არჩევნებისპირველი ტური ზემანის გამარჯვებით დასრულდა, რომელსაც ხმა ამომრჩეველთა 38,5-მა პროცენტმა მისცა, დრაგოშს კი მხარე ელექტორატის 26,6-მა პროცენტმა დაუჭირა. არჩევნების მეორე ტური ჩეხეთში 26-27 იანვარს გაიმართება.
