თბილისის საქალაქო სასამართლოში, რამდენიმე წუთში, განახლდება ხორავას ქუჩაზე მომხდარი მკვლელობის საქმეზე ბრალდებული 2 არასრულწლოვნის სასამართლოო პროცესი.
დღეს წინასასამართლო სხდომაა და სასამართლო მტკიცებულებების დასაშვებობის საკითხს განიხილავს.
როგორც ერთ-ერთი არასრულწლოვანი ბრალდებულის ადვოკატმა, ტარიელ კაკაბაძემ სხდომის დაწყებამდე „ჯი-ეიჩ-ენს“ განუცხადა, სასამართლოზე პროკურორის ნათქვამის, რომ საქმეში მხოლოდ 2 დანა ფიგურირებს, საწინააღმდეგო დამტკიცდება, რადგან სიმართლეს ვერც სასამართლო გაექცევა.
„მოვუსმინე პროკურორის განცხადებას, რომ მხოლოდ ორი დანა იყო გამოყენებული, პირდაპირ გეუბნებით, სასამართლოში საწინააღმდეგო დამტკიცდებასიმართლე ასეთია და სიმართლე ძალიან ძლიერია, ამას ვერც სასამართლო გაექცევა. გუშინ დაცვის მხარემ ჩვენი მტკიცებულებების დასაშვებად ცნობა მოვითხოვეთ, პროკურატურამ თავისი, ჩვენ პროკურატურის მოპოვებულ მტკიცებულებების ნაწილზე ვამბობდით, რომ ის კანონდარღვევით არის მოპოვებული. სასამართლო დღეს გადაწყვეტს, თუ რა მოცემულობით ცნოს წარდგენილი მტკიცებულებები დასაშვებად“, - განაცხადა ადვოკატმა.