სტივენ ბენონზე ზეწოლა ძლიერდება. ტრამპის ყოფილი მთავარი სტრატეგი პორტალ „ბრეიტბარტ ნიუსიდანაც“ დაითხოვეს. ამის მიზეზი ჟურნალისტ მაიკლ ვულფის სკანდალურ წიგნში გამოქვეყნებული ინტერვიუ გახდა, სადაც ბენონმა ტრამპის ოჯახი რუსებთან ფარული შეხვედრის გამო სახელმწიფოს ღალატში დაადანაშაულა. ბენონის ინტერვიუს ტრამპის მხრიდან მწვავე რეაქცია მოჰყვა. მან ყოფილი მთავარი სტრატეგი ყველასგან გაგდებულ ძაღლს შეადარა.
