ბათუმის მოვლენებთან დაკავშირებულ საქმეზე ბრალდებულები, მერაბ ღოღობერიძეს და ირაკლი ჩხვირკია სასამართლომ პატიმრობაში დატოვა. ბათუმის საქალაქო სასამართლომ მათ 1 წლითა და 6 თვით თავისუფლების აღკვეთა მიუსაჯა.
თავდაპირველად, ჩხვირკიას და ღოღობერიძეს გამოძიება 225-ე მუხლით, მასობრივ არეულობასა და ორგანიზებას ედავებოდა, დღეს კი სასჯელი 226-ე მუხლის საფუძველზე, ძალადობრივ აქციაში მონაწილეობისთვის მიესაჯათ.
სასამართლო დარბაზში განაჩენის გამოცხადებას ხმაური მოჰყვა. ადგილზე იმყოფებიან ”ნაციონალური მოძრაობის” წარმომადგენლები.
ჩხვირკიას ოჯახის წევრები, ახლობლები და "თავისუფალი ზონისა" და "ნაციონალური მოძრაობის" წევრები საპროტესტო აქციის გამართვას აპირებენ.
აღსანიშნავია, რომ დაცვის მხარე სასამართლოს გადაწყვეტილების გაპროტესტებას გეგმავს.
