მიხეილ სააკაშვილი დღეს უკრაინის უშიშროების სამსახურის მთავარ სამმართველოში დაკითხვაზეა დაბარებული. ოდესის ყოფილი გუბერნატორის ადვოკატის თქმით, „ახალ ძალთა მოძრაობის“ ლიდერს უშიშროების სამსახურში კიევის დროით 11 საათზე ელოდებიან. მას დანაშაულებრივი ორგანიზაციების საქმიანობის დაფარვაში სდებენ ბრალს. გამოძება სააკაშვილის ხმის ექსპერტიზასაც ითხოვს, თუმცა უკრაინის გენერალური პროკურორის მოადგილის თქმით, „ახალ ძალთა მოძრაობის ლიდერი“ ხმის ექსპერტიზაზე უარს აცხადებს.
