მასშტაბური რეიდი ბრიტანეთში. ქვეყნის ჩრდილოეთ ნაწილში გატარებული ოპერატიული ღონისძიებების შედეგად პოლიციამ ტრეფიკინგში ეჭმიტანილი პირები დააკავა. ოპერაციაში 150 სამართალდამცველი მონაწილეობდა. ძალოვნებმა სხვადასხვა მისამართებზე რამდენიმე სახლი გაჩხრიკეს. შინაგან საქმეთა უწყებაში განმარტეს, რომ რეიდის ჩატარების გადაწყვეტილება დაზვერვის მიერ მიღებული ინფორმაციის შემდეგ მიიღეს. სამართალდამცველების განცხადებით, ტრეფიკინგში ჩართულ ადამიანებზე თვალთვალი რამდენიმე თვის განმავლობაში ხორციელდებოდა.
