ირანში, ყოფილი პრეზიდენტი მაჰმუდ აჰმადინეჯადი დააკავეს. ადგილობრივი მედიის ცნობით, ირანის ყოფილი პრეზიდენტი ქვეყნის სულიერი ლიდერი აიათოლა ხამენეის თანხმობით აიყვანეს. ამის მიზეზი გახდა პოლიტიკოსის მიერ გაკეთებული განცხადებები, რომელიც მან ანტისამთავრობო აქციებზე გააკეთა.
როგორც ირანული გამოცემა წერს აჰამდინეჯადიმ ბუშერში გამართულ აქციის მონაწილეებს მიმართა სიტყვით.
მისი თქმით, ირანის ზოგიერთმა მმართველმა ხალხის პრობლემების შესახებ არაფერი იცის. მან ასევე განაცხადა, რომ მოქალაქეები პრეზიდენტ ჰასან რუჰანის მთავრობის პოლიტიკით უკმაყოფილოები არიან.
მაჰმუდ აჰმედინეჯადი, რომელიც ქვეყანას რვა წლის განმავლობაში მართავდა, პრეზიდენტობის შემდეგ ძველ პროფესიას დაუბრუნდა და მასწავლებლად მუშაობდა. ცნობილია, რომ მაჰმუდ აჰმედინეჯადს პრეზიდენტად ყოფნის განმავლობაში სახელმწიფო ბიუჯეტიდან ანაზღაურების სახით არცერთი რიალი არ მიუღია.
