გაერო-ს უშიშროების საბჭოს თავმჯდომარე პირველად გახდა ყაზახეთი. ყაზახეთის საგარეო საქმეთა სამინისტროს განცხადებით, ყაზახეთი ცენტრალური აზიის ინტერესების წინ წამოწევას და რეგიონული უსაფრთხოების გაძლიერებას გეგმავს.
ასტანას პრიორიტეტებს შორის იქნება – ბირთვული განიარაღება, გლობალური ომის პრევენცია, ლოკალური კონფლიქტების დარეგულირება და ტერორიზმთან ბრძოლა.
გაერო-ს უშიშროების საბჭოს თავმჯდომარე როტაციის პრინციპით ამ ორგანიზაციის წევრი ქვეყნის დელეგაციის ხელმძღვანელი ხდება. თითოეული სახელმწიფოს წარმომადგენელი ამ თანამდებობას 1 თვის ვადით იკავებს.