რარიტეტული ავტომობილი Volvo 262C, რომილიც ლეგენდარული ბრიტანელი მუსიკოსის, დევიდ ბოუის საკუთრება იყო, შვეიცარიის აუქციონზე რეკორდულ ფასად გაყიდეს. ამის შესახებ გამოცემა The Local იტყობინება. გავრცელებული ინფორმაციით, ავტომობილში 212, 8 ათასი შვეიცარიული ფრანკი გადაიხადეს, რაც 216 აშშ დოლარის ექვივალენტია. ავტომობილი 1981 წელს არის გამოშვებული. მუსიკოსი მანქანით 1998 წლამდე სარგებლობდა. ამ დროის განმავლობაში მას მხოლოდ 53 ათასი კილომეტრი აქვს გავლილი, რაც ექსპერტთა თქმით, გასაყიდ ფასზეც აისახა. დევიდ ბოუი 2016 წლის იანვარში ფილტვების კიბოთი გარდაიცვალა. ის 69 წლის იყო.
