ქართულმა ლეგიონმა უკრაინის შეიარაღებული ძალების 54-ე ბრიგადა დატოვა. ინფორმაციას ლეგიონი ფეისბუკის გვერდზე ავრცელებს. გადაწყვეტილების მიზაზად 54-ე ბრიგადის მეთაურობის არაკომპეტენტური და უკანონო ქმედებებია.
„2017 წლის 20 დეკემბერს ქართულმა ლეგიონმა სრული შემადგენლობით დატოვა 54-ე ბრიგადა, ბრიგადის მეთაურისა და მისი გარემოცვის არაკომპეტენტურობის და უკანონო ბრძანებების გამო. 2017 წლის 16 დეკემბრის სამხედრო ოპერაციის შესახებ, რომლის დროსაც ლეგიონის 11 მეომარი დაიჭრა, უახლოეს დღეებში პრესკონფერენციაზე ვისაუბრებთ,“- ნათქვამია ლეგიონის განცხადებაში.
განცხადებიდან ირკვევა, რომ 54-ე ბრიგადის მეთაურობა დაჭრილი ქართველი მებრძოლების ჰოსპიტალიდან დეპორტაციას ცდოლობდა, რათა მათ ამ სამხედრო ოპერაციის შესახებ ინფორმაცია არ გაევრცელებიათ.
