შვეიცარიაში ქარიშხალმა მატარებელი ლიანდაგებიდან გადააგდო. ინციდენტის შედეგად 8 ადამიანი დაშავდა. ერთი მათგანის მდგომარეობა მძიმეა.
ქარიშხალი „ბურგლინდი“ შვეიცარიას 3 იანვარს დაატყდა თავს. სტიქიის შედეგად 15 ადამიანი დაშავდა. ქვეყნის რამდენიმე რეგიონში საავტომობილო და სარკინიგზო მოძრაობა შეფერხდა. გადაიდო ათობით ავიარეისი. ქარიშხალმა ელექტროგადამცემი ხაზები დააზიანა, რის შედეგადაც 100 ათასამდე ოჯახი ელექტროენერგიის გარეშე დარჩა.
