ამერიკის იუსტიციის დეპარტამენტმა ობამას ადმინისტრაციის მიერ მიღებული კანონი გააუქმა, რომლის მიხედვითაც, მარიხუანას მოხმარებასთან დაკავშირებით არსებული ფედერალური კანონების მოქმედება მსუბუქდებოდა იმ შტატებში, სადაც მსუბუქი ნარკოტიკის მოხმარება უკვე ლეგალიზებული იყო. კანონის გაუქმება ფედერალურ პროკურორებს უფლებას მისცემთ, მარიხუანას მოხმარებისთვის სისხლის სამართლის საქმე აღძრან. ბოლო წლებში შეერთებულ შტატებში მარიხუანას ლეგალიზების მოთხოვნით მასშტაბური კამპანია მიმდინარეობს. პირველ იანვარს მარიხუანას ლეგალიზების კანონი კალიფორნიაში ამოქმედდა.
