თურქეთის პრეზიდენტმა შეერთებული შტატები თურქი ბანკირის. მეჰმეთ ჰაკან ატილას მიმართ გამოტანილი განაჩენის გამო გააკრიტიკა.
„თუ ასეთია ამერიკული მართლმსაჯულება, მსოფლიოს საქმე მართლაც ცუდად ყოფილა. შეერთებულმა შტატებმა უნდა შეცვალოს სამართლებრივი მიდგომა. ასეთი მართლმსაჯულება არ უნდა არსებობდეს ქვეყანაში, რომელიც მსოფლიოს ასწავლის, რა არის სამართლიანობა“, - განაცხადა რეჯეფ თაიფ ერდოღანმა.
მანამდე ნიუ იორკის სასამართლომ თურქული ბანკის ყოფილ აღმასრულებელ დირექტორს გამამტყუნებელი განაჩენი გამოუტანა. ის დამნაშავედ ცნეს შეთქმულებასა და საბანკო თაღლითობაში, თუმცა ფულის გათეთრებასთან დაკავშირებული ბრალდება მოუხსნეს.
