ვაშინგტონმა პაკისტანს უსაფრთხოების სფეროში დახმარება შეუწყვიტა. ამის შესახებ ამერიკის სახელმწიფო დეპარტამენტი იტყობინება. „ვიდრე პაკისტანის ხელისუფლება არ გადადგამს ქმედით ნაბიჯებს ტერორისტული დაჯგუფებების, მათ შორის თალიბანის წინააღმდეგ, შეერთებული შტატებისგან უსაფრთხოების სფეროში დახმარებას ვერ მიიღებს,“-აცხადებს ტილერსონის უწყება. მანამდე პაკისტანს დაფინანსების შეწყვეტით თეთრი სახლის ლიდერი დაემუქრა.
