ჩრდილოეთ კორეა სამხრეთ კორეასთან მოლაპარაკებას დათანხმდა. ფხენიანისა და სეულის წარმომადგენელთა შეხვედრა მომავალ კვირას გაიმართება. ფხენიანმა სეულს უკვე გაუგზავნა ტელეფონოგრამა იმის შესახებ, რომ 9 იანვარს დემილიტარიზებულ ზონაში მოლაპარაკებისთვის დელეგაციას გაგზავნის. შეხვედრის მთავარი საკითხი ზამთრის ოლიმპიურ თამაშებში ჩრდილოეთ კორეის მონაწილეობა იქნება. ჩრდილოეთ და სამხრეთ კორეას შორის უმაღლესი დონის შეხვედრა ბოლოს 2015 წლის დეკემბერში გაიმართა.
