დონალდ ტრამპმა მის შესახებ დაწერილი წიგნის ავტორი მაიკლ ვულფი ცილისწამებაში დაადანაშაულა.
„მე ამ ცილისმწამებლური წიგნის ავტორს თეთრ სახლში შემოსვლა ავუკრძალე. მასთან ამ წიგნის შესახებ არასოდეს მილაპარაკია. წიგნი ტყუილებითა და ცილისწამებით არის სავსე,“- წერს ტრამპი Twitter-ის გვერდზე.
სკანდალური წიგნი „ცეცხლი და მრისხანება ტრამპის თეთრი სახლის დერეფნებში“დღეს გამოვა. პრეზიდენტის ადვოკატები არ გამორიცხავენ, რომ სასამართლოს ცილისწამების ბრალდებით მიმართონ.
წიგნში ტრამპის მაკომპრომენტირებელი ფაქტების გარდა თეთრი სახლის ყოფილი მთავარი სტრატეგის, სტივ ბენონის ინტერვიუც არის მოყვანილი, რომელშიც ის ტრამპის შვილის საიდუმლო შეხვედრას რუსებთან ღალატს უწოდებს.
