თბილისის საქალაქო სასამართლოში საქართველოს ყოფილი პრეზიდენტის, მიხეილ სააკაშვილის პროცესი დაიწყო. ამ წუთებში საზოგადოებრივი ადვოკატი სოფიო გოგლიჩიძე დასკვნით სიტყვას წარმოთქვამს.
მან ყოფილი პრეზიდენტის მიმართ აღძრულ სისხლის სამართლის საქმეს პოლიტიკური ნიშნით დევნა უწოდა.
სოფიო გოგლიჩიძე მისი დაცვის ქვეშ მყოფის მიმართ გამამართლებელი განაჩენის გამოტანას ითხოვს, მისი თქმით ამის საფუძველს საქმეში არსებული მტკიცებულებები იძლევა:
"ბატონო მოსამართლევ, თუ თქვენ გამამტყუნებელ განაჩენს გამოიტანთ, ეს იქნება საქართველოს კონსტიტუციის დარღვევა",- აღნიშნა გოგლიჩიძემ.
ბრალდების მხარემ კი პროცესის დაწყებამდე სრულიად საპირისპირო განცხადება გააკეთა:
"საქმეში არსებობს, როგორც პირდაპირი მტკიცებულებების ერთობლიობა, ასევე ირიბი და დოკუმენტური მტკიცებულებები. შესაბამისად, მე როგორც ამ საქმის პროკურორს, მოლოდინი მაქვს გამამტყუნებელი განაჩენის. მოსამართლის გადასაწყვეტია დღეს გამოიტანს განაჩენს თუ არა."- განაცხადა პროკურორმა
აღსანიშნავია, რომ სასამართლო დარბაზი იმყოფებიან სააკაშვილია მხარდამჭერები და პოლიტიკოსები.
