პანკისში ჩატარებულ სპეცოპერაციის დროს დაჭრილ, 19 წლის თემირლან მაჩალიკაშვილის ჯანმრთელობის მდგომარეობა კვლავ მძიმეა.
ექიმის განცხადებით, კვლევების შედეგად აღმოჩნდა, რომ მთელი რიგი პარამეტრები გაუარესებულია და დაჭრილი ახალგაზრდა კვლავ მართვით სუნთქვაზე იმყოფება.
შეგახსენებთ, რომ თემირლან მაჩალიკაშვილი სპეცოპერაციის დროს თავის არეში დაიჭრა. მას თელავის რეფერალურ საავადმყოფოში ოპერაცია გაუკეთდა, რის შემდეგაც თბილისში გადმოიყვანეს. სპეცოპერაციის დროს 4 პირი დააკავეს. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედებათ ბრალად.
