„ბატონო ზვიად, მინდა განგიმარტოთ, რომ ასეთი გადაწყვეტილება სასამართლომ საახალწლო დღეების გამო მიიღო, წინააღმდეგ შემთხვევაში ბრალი ადმინისტრაციულ პატიმრობას ითვალისწინებდა“, - ასე მიმართა პოეტ ზვიად რატიანს თბილისის საქალაქო სასამართლოს მოსამართლე ქეთევან მინაშვილმა.
შეგახსენებთ, რომ ზვიად რატიანი რამდენიმე წუთის წინ, თბილისის საქალაქო სასამართლომ სამართალდამრღვევად ცნო და 2 000 ლარიანი ჯარიმა დააკისრა.
ზვიად რატიანი 24 დეკემბერს, სამართალდამცავებმა თამარ მეფის გამზირზე დააკავეს. მას ადმინისტრაციულ სამართალდარღვევათა კოდექსის 116-ე და 173-ე მუხლების დარღვევაში ედება ბრალი. რაც წვრილმან ხულიგნობასა და პოლიციისთვის დაუმორჩილებლობას გულისხმობს.
