პანკისის ხეობაში ჩატარებული სპეცოპერაციისას დაჭრილი თემირლან მაჩალიკაშვილი თბილისში, წმინდა მიხეილის სახელობის საავადმყოფოში გადაიყვანეს.
როგორც ექიმებმა ჟურნალისტებს განუცხადეს, მისი მდგომარეობა სტაბილურად მძიმეა.
მათივე ინფორმაციით, არანაირ გართულებას ტრანსპორტირებისას ადგილი არ ჰქონია.
შეგახსენებეთ, სახელმწიფო უსაფრთხოების სამსახურმა, 26 დეკემბერს 5 პირი დააკავა, აქედან 4 პანკისში, ერთი კი - თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად.
