თბილისის საქალაქო სასამართლოს მოსამართლე გიორგი არევაძემ მიხეილ სააკაშვილის ადვოკატის, სოფიო გოგლიჩიძის შუამდგომლობა დააკმაყოფილა და შემდეგი სასამართლო პროცესი 3 იანვარს ჩანიშნა.
დღეს სასამართლო პროცესზე დაცვის მხარეს დასკვნითი სიტყვა უნდა წარმოეთქვა.
სხდომის გადადება პროკურორმა საქმის ხელოვნურ გაჭიანურებად შეაფასა.
შეგახსენებთ, რომ მიხეილ სააკაშვილს სახელმწიფო ბრალდება გირგვლიანის მკვლელობის საქმის ერთ-ერთ ეპიზოდზე უფლებამოსილების ბოროტად გამოყენებას ედავება.
