20 დეკემბერს, საბაჟო გამშვებ პუნქტში „სადახლო-საავტომობილო“, ფინანსთა სამინისტროს შემოსავლების სამსახურის მებაჟე ოფიცრებმა, სომხეთის მოქალაქის, ხ.ჰ-ს მართვის ქვეშ არსებული ავტომობილის დათვალიერებისას, არადეკლარირებული საქონელი, კერძოდ, სპილენძის ჯართი (საერთო წონა 537,7კგ.) აღმოაჩინეს.
საქონლის საბაჟო ღირებულებამ 4086,52 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის მიხედვით, კანონდამრღვევ მოქალაქეს, სანქციის სახით, ფულადი ჯარიმა 4086,52 ლარის ოდენობით შეეფარდა.
