გარემოს დაცვისა და ბუნებრივი რესუსრების მინისტრი გოგა ხაჩიძე საქართველოში არსებული 16 სამონადირეო მეურნეობების მფლობელებს სამინისტროში შეხვდა და მათი ინიციატივები და პრობლემები მოისმინა.
შეხვედრაზე სამონადირეო მეურნეობა "ფაუნას" წარმომადგენელმა ბულგარელმა ექსპერტმა ირმის საშენის შესახებ პრეზენტაცია წარმოადგინა. პრეზენტაციას ფინანსთა, ეკონომიკისა და მდგრადი განვითარების სამინისტროსა და ტურიზმის დეპარტამენტის წარმომადგენლები ესწრებოდნენ.
"მისასალმებელია, რომ ქვეყანაში არსებობენ ბიზნესის ამ მიმართულებით დაინტერესებული ადამიანები. ერთი მხრივ, სახელმწიფომ ყველაფერი უნდა გააკეთოს იმისთვის, რომ ხელი შეუყწოს ამ ბიზნესის განვითარებას. მეორე მხრივ, კერძო სექტორმა უნდა იაქტიუროს. სამონადირეო ბიზნესით შესაძლებელია შევქმნათ გარკვეული დოვლათი, რომელიც დარჩება ქვეყანას და მოხმარდება ხალხს. დღევანდელი შეხვედრაც ამას ემსახურება. სამინისტრო რა თქმა უნდა ხელს შეუწყობს ამ ბიზნესის განვითარებას", - განაცხადა ხაჩიძემ ჟურნალისტებთან საუბრისას.
