გუდაურში სათხილამურო სეზონი ოფიციალურად გაიხსნა. სამთო სათხილამურო კურორტზე ქართველ დამსვენებლებთან ერთად უცხოელი ტურისტებიც უკვე არიან.
კურორტზე სასრიალო გზების უსაფრთხოებას სამთოპატრული უზრუნველყოფს.
კურორტზე 14 საბაგირო და 70 კმ-იანი 22 სათხილამურო გზაა, რომელიც გათვლილია ყველა კატეგორიის მოთხილამურისთვის.
გუდაურში ასევე მოქმედებს ხელოვნური გათოვლიანების სისტემა, რაც საშუალებას იძლევა კურორტი აღარ იყოს დამოკიდებული ბუნებრივ კლიმატურ პირობებზე და სეზონი ყოველწლიურად განსაზღვრულ დროს გაიხსნას.
