მიხეილ სააკაშვილის თანაგუნდელი, უკრაინის პროკურორის ყოფილი მოადგილე, დავით საყვარელიძე მოითხოვს, სააკაშვილისა და სერგეი კურჩენკოს სატელეფონო საუბარს ექსპერტიზა დიდ ბრიტანეთში, ან აშშ-ში ჩაუტარდეს.
„წარმოიდგინეთ სააკაშვილის მასშტაბი, კურჩენკო კი ვინ არის - გაქცეული ოლიგარქი. ეს არის ადამიანი, რომელიც იყო იანუკოვიჩის ხელისუფლების სიმბოლო. არსებობს დიდი საქმე იანუკოვიჩის დანაშაულებრივ დაჯგუფებასთან დაკავშირებით, მაგრამ ის ისე ცუდად არის გაკეთებული, რომ გარკვეული დროის განმავლობაში სასამართლოებში ჩამოიშლება. აღმოჩნდა, რომ ამ საქმეზე სააკაშვილი დანაშაულებრივ შეთქმულებაში შევიდა იმისთვის, რომ უკრაინის ხელისუფლება ჩამოაგდოს. აი, ეს არის ამ საქმის ლოგიკა. მოდით, დავნიშნოთ ექსპერტიზა, არა ჩვენთან შსს-ში, ან სხვა გამყიდველ სააგენტოებში, არამედ საერთაშორისოში, ბრიტანეთში ან ამერიკაში. დაველოდოთ და ვნახოთ. ის გვიჩვენებს, რომ ეს მონტაჟია,“ - განაცხადა ტელეკომპანია ზიკ-თან საყვარელიძემ.
5 დეკემბერს უკრაინის გენპროკურატურამ გამოაქვეყნა საქართველოს ექსპრეზიდენტის მიხეილ სააკაშვილისა და სერგეი კურჩენკოს საუბრის ჩანაწერი, რომელშიც, სააკაშვილი მას უთანხმდება თანამშრომლობის შესახებ.
უკრაინული მედიის ცნობით, სერგეი კურჩენკო რამდენიმე ენერგოკომპანიასა და ბანკს ფლობდა. უკრაინელმა ოლიგარქმა ქვეყანა ევრომაიდანის ცნობილი მოვლენების შემდეგ დატოვა და ამჟამად რუსეთში იმყოფება.
აშშ-ის მთავრობამ, ევროკავშირმა და კანადამ სერგეი კურჩენკო შეიყვანა “შავ სიაში”, რომელშიც უკრაინის ხელისუფლების ის ყოფილი წევრები მოხვდნენ, რომელთაც 2014 წელს რუსეთის მიერ ყირმის ანექსიის ხელშეწყობასა და დონაბასში კონფლიქტში ჩართულობაში ადანაშუალებენ.
უკრაინული მედიის ცნობით, კურჩენკოს უკრაინაში 10 საქმეზე აქვს წაყენებული ბრალი. მას ბიუჯეტიდან 18 მილიარდი გრივნის უკანონო მითვისებაში ადანაშაულებენ
