თურქული ავიაკომპანია Turkish Airlines-ი სომხეთის მიმართულებით ფრენების დაწყებას გეგმავს. აღნიშნულის შესახებ ინფორმაცია Turkish Airlines-ის დირექტორთა საბჭოს ხელმძღვანელმა ილკერ აიჯინმა სააგენტო Anadilu-სთან საუბრისას გააკეთა.
როგორც აიჯინმა უახლოეს გეგმებზე საუბრისას განმარტა, სომხეთი Turkish Airlines-ის მიმართულებებში იქნება დამატებული.
შეგახსენებთ, რომ სომხეთის მიმართულებით ფრენების დაწყების ინტერესზე განცხადება უკვე გააკეთა თურქულმა დაბალბიუჯეტიანმა ავიაკომპანია Pegasus-მა.
წინასწარი ინფორმაციით, Pegasus-ის სომხეთის მიმართულებით ფრენების დაწყებას 1-ელი ივნისიდან, კვირაში 3 სიხშირით გეგმავს.
