8-10 დეკემბერს ბათუმი სამშენებლო მასალებისა და ტექნოლოგიების მე–7 საერთაშორისო გამოფენა BATUMI BUILD 2017-ს უმასპინძლებს. გამოფენის ორგანიზატორთა განმარტებით, “BATUMI BUILD 2017" სასტუმრო „შერატონში“ გაიმართება და მასში 7 ქვეყნის 50-მდე კომპანია მიიღებს მონაწილეობას. BATUMI BUILD 2017-ში ქართული კომპანიების გარდა წარმოდგენილნი იქნებიან კომპანიები არაბეთის გაერთიანებული საემიროებიდან, თურქეთიდან, აზერბაიჯანიდან, უკრაინიდან, სომხეთიდან და ირანიდან.
BATUMI BUILD 2017-ის თანაორგანიზატორები არიან: აჭარის ა.რ. მთავრობა, აჭარის ა.რ. ფინანსთა და ეკონომიკის სამინისტრო, ქალაქ ბათუმის მერია, აჭარის სავაჭრო-სამრეწველო პალატა, საქართველოს საერთაშორისო ინვესტორთა ასოციაცია, „აჭარის ტელევიზია“ და „TV 25“ – მედია მხარდამჭერი, გაზეთები - „გაზეთი აჭარა“ და „Caucasus Business Week“-ი.
