საქართველოს ყოფილი პრეზიდენტი, მიხეილ სააკაშილი „ფეისბუქის“ პირად გვერდზე წერილს აქვეყნებს. წერილში საკაშვილი ვანო მერაბიშვილის საქმესთან დაკავშირებით, სტრასბურგის გადაწყვეტილებას ეხმაურება.
„სტრასბურგში ადამიანის უფლებათა ევროპულმა სასამართლომ დაადგინა, რომ საქართველოში ჩემი უახლოესი თანამოაზრის, ვანო მერაბიშვილის მრავალწლიანი დაპატიმრების მთავარი მიზანი იყო ინფორმაციის მიღება ჩემს საბანკო ანგარიშებზე. ოლიგარქმა ივანიშვილმა ვერ დაიჯერა, რომ მე არაფერი მომიპარავს და ამის გამო უდანაშაულო ადამიანი ამდენი წელი აწამეს“, - აცხადებს სააკაშვილი.
ყოფილი პრეზიდენტის თქმით, მის იურისტებს უკრაინის იუსტიციის სამინისტროში შუამდგომლობა შეაქვთ.
„ჩემ იურისტებს უკრაინის იუსტიციის სამინისტროში შუამდგომლობა შეაქვთ იმასთან დაკავშირებით, რომ ადამიანის უფლებათა ევროპული სასამართლოს ამგვარი გადაწყვეტილების გამო, მისი ექსტრადირება საქართველოში, პრინციპში, შეუძლებელია“, - აცხადებს სააკაშვილი.
