„თბილისის აბრეშუმის გზის ფორუმის“, ფარგლებში, საქართველოს ინდუსტრიულ ჯგუფთან დაკავშირებულ კომპანია „CPower”-ს და ერთ-ერთ ყველაზე მსხვილ ჩინურ კორპორაცია „Dongfang Electric Corporation“ შორის, გარდაბნის მუნიციპალიტეტში 300 მგვტ. ნახშირზე მომუშავე თბოელექტროსადგურის პროექტირების შესყიდვის და მშენებლობის (EPC) ხელშეკრულებას მოეწერა ხელი.
აღნიშნულ ხელშეკრულებას ჩინური მხრიდან კორპორაცია Dongfang Electric Corporation-ის ვიცე პრეზიდენტმა ლან ზეჰაი, ხოლო ქართული მხრიდან პროექტის განმახორციელებელი კომპანია ,,საქართველოს ინდუსტრიული ჯგუფის“ შვილობილი შპს ,,Cpower”‐ის დირექტორმა გივი ჭაჭიამ მოაწერა ხელი.
კონტრაქტის ჯამური მოცულობა 200 მლნ. აშშ დოლარია, ხოლო დაგეგმილი ინვესტიცია 250 მლნ. აშშ დოლარს უდრის. ჩატარებულია წინა სამშენებლო სამოსამზადებელი სამუშაოები. ძირითადი მშენებლობის დაწყება 2018 წელს იგეგმება, ხოლო ექსპლუატაციაში შესვლის ვადა 2020 წლის ბოლო კვარტალია. თბოელექტროსადგურის დადგმული სიმძლავრე 300 მგვტ. იქნება. ოპერირების პერიოდში თბოელექტროსადგური სრულად მოიხმარს საქართველოს ტერიტორიაზე მოპოვებულ ნახშირს.
საერთაშორისო ტენდერის შედეგების მიხედვით კონტრატორ კომპანიად შეირჩა ჩინური Dongfang Electric Coroporation, რომელსაც უდიდესი გამოცდილება გააჩნია მსგავსი ტექნოლოგიის თბოელექტროსადგურების მშენებლობაში, ჩინეთსა და მის საზღვრებს გარეთ.
Dongfang Electric Corporation წარმოადგენს უმსხვილეს ჩინურ ჰოლდინგს, რომელიც ჩინეთის ცენტრალური ხელისუფლების დაქვემდებარებაშია. კომპანიას ნახევარსაუკუნოვანი განვითარების ისტორია გააჩნია. იგი სპეციალიზდება ენერგოგენერაციის ობიექტებისთვის დანადგარების წარმოებასა და ექსპორტზე. Dongfang Electric Corporation‐ი მაღალი კლასის თანამედროვე ტექნოლოგიებით და წარმოების ხარისხის დონით გამორჩეული კომპანიაა, რომელიც მნიშვნელოვან როლს ასრულებს ჩინეთის ეკონომიკაში. იგი ჩინური თბოენერგეტიკული დანადგარების წარმოების ბაზრის 1/3 წილს და ჰიდროენერგეტიკული დანადგარების წარმოების ბაზრის 2/5‐ს წილს ფლობს. კომპანია ასევე მოღვაწეობს ისეთ დარგებში როგორიცაა: მძიმე მრეწველობა, ელექტრო გადამცემი ხაზების წარმოება და მონტაჟი, სამრეწველო საკონტროლო მოწყობილობები, მაღალი ძაბვის სიხშირული გადამყვანები, ქიმიური დანადგარები. Dongfang Electric Corporation‐ი იკავებს წამყვან პოზიციას ჩინურ ბაზარზე საერთაშორისო კონტრაქტორის როლში და ახორციელებს პროდუქციის ექსპორტს 30‐ზე მეტ ქვეყანაში.
,,Cpower”‐წარმოადგენს ,,საქართველოს ინდუსტრიულ ჯგუფთან დაკავშირებულ კომპანიას,რომელიც განახორციელებს გარდაბნის მუნიციპალიტეტში, ნახშირზე მომუშავე 300 მეგავატიანი თბოელექტროსადგურის მშენებლობას .
