მოლდოვის პრორუსი პრეზიდენტი ქვეყნიდან რუსი ჟურნალისტების გაძევებით შეშფოთებულია. იგორ დოდონმა მომხდარს ანტირუსული დემარში უწოდა და მმართველი უმრავლესობა პროვოკაციის მოწყობაში დაადანაშაულა. ორი რუსი ჟურნალისტი კიშინიოვის აეროპორტიდან გუშინ გააბრუნეს. ალექსეი სამოლიოტოვი და მარინა საფრონოვა აცხადებდნენ, რომ მოლდოვაში კერძო ვიზიტით იმყოფებოდნენ, თუმცა ვიზიტის მიზანი ვერ დაასაბუთეს.
