თბილისის საქალაქო სასამართლოში „ცენტრ პოინტის“ საქმეზე ე.წ. მიონის ეპიზოდთან დაკავშირებით, მოწმის სახით კომპანიის იურისტი, მარინა ცუცქირიძე დაიკითხა.
„მოწმის სახით დავიკითხე. 12 საათზე „მაგნოლიის“ საქმე უნდა ყოფილიყო, რომელიც 14 დეკემბრისთვის გადაიდო. კითხვები ძირითადად, იმასთან დაკავშრებით ჰქონდათ, თუ რა ხელშეკრულებები ფორმდებოდა, ვინ აფორმებდა, ამ ხელშეკრულებებში კანონსაწინააღმდეგო ხომ არაფერი იყო. ასევე კითხვები ეხებოდა საჯარო რეესტრში ქონების საკუთრებაში გადაცემის დროს რატომ არ ხდებოდა 50 ლარის გადახდა. ამაზე დეტალურად ვესაუბრე სასამართლოს“, - განუცხადა სასამართლო დარბაზიდან გამოსვლის შემდეგ „ჯი-ეიჩ-ენს“ მარინა ცუცქირიძემ.
რაც შეეხება დებ მაია რჩეულიშვილისა და რუსუდან კერვალიშვილის საპროცესო შეთანხმების საფუძველზე გათავისუფლებას, როგორც მათი ადვოკატი აცხადებს, ჯერ ეს პროცედურები არ დაწყებულა, რადგან ინვესტორებთან მოლაპარაკებები ისევ გრძელდება.
