თბილისის შოთა რუსთაველის სახელობის აეროპორტში გაიმართა სლოვენიის ვიცე-პრემიერის დახვედრის ოფიციალური ცერემონია. სლოვენიის დელეგაცია საქართველოს საგარეო საქმეთა მინისტრის მოადგილემ ვახტანგ მახარობლიშვილმა მიიღო. სლოვენიის საგარეო უწყების ხელმძღვანელი თბილისში ვიზიტის ფარგლებში მონაწილეობას მიიღებს აბრეშუმის გზის ფორუმში, ასევე შეხვედრებს გამართვას საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან და საქართველოს ვიცე-პრემიერთან, საგარეო საქმეთა მინისტრთან მიხეილ ჯანელიძესთან. ეს გახლავთ სლოვენიის საგარეო საქმეთა მინისტრის პირველი ოფიციალური ვიზიტი საქართველოში და იგი თბილისს ბიზნეს დელეგაციასთან ერთად სტუმრობს.
