მესტიის მუნიციპალიტეტის სოფელ ჭუბერში მოსახლეობამ „ნენსკრაჰესის" სამუშაოებთან მისასვლელი გზა გადაკეტა. აქციას ჭუბერის საკრებულოს წევრი ზაზა ვიბლიანი შეუერთდა, რომელიც პოლიციამ წინააღმდეგობის გაწევისთვის დააკავა და პოლიციის განყოფილებაში გადაიყვანა.
ადგილობრივები მშენებლობაზე პასუხისმგებელი კომპანიისგან სადენებისა და ხიდის შეკეთებას მოითხოვენ და ჭუბერი-ხაიშისა და ჭუბერი მესტიის ცენტრალური მაგისტრალის გახსნას მანამ არ აპირებენ, სანამ მათი მოთხოვნები არ დაკმაყოფილდება, რადგან მათი თქმით კომპანია მოთხოვნების შესრულებას მანამდეც დაჰპირდათ.
"სადენების გაუმართაობას ადამიანის სიცოცხლეც შეეწია, ცეცხლი წაეკიდა, აქრობდა, დენმა დაარტყა და გარდაიცვალა. ხალხი გაღიზიანებულია, ქუჩაში გამოვიდა, გზა გადავკეტეთ. რაც შეეხება ხიდს, საზღვრისპირა სოფელია, საზღვარსა და სოფლის დამაკავშირებლები ხიდია გაფუჭებული, მეორე ხიდიც წაიღო წყალმა, დაახლოებით 10-15 კილომეტრის შემოვლა უწევს მესაზღვრეს, რომ სოფლამდე მივიდეს. გზა კიდევ იმიტომ გადავკეტეთ, რომ ყველა აქციაზე, მოთხოვნა და დაპირებები რაც იყო, არ შესრულებულა, ყელში აქვს ამოსული ხალხს“, - განუცხადა „ლიბერალს“ ადგილობრივი მოსახლემ, რატი დევდარიანმა.
