თურქული მედიის ინფორმაციით, ანტალიის ყველაზე დიდი და ძვირადღირებული სასტუმრო Mardan Palace 2018 წლიდან ტურისტების მიღებას განაახლებს. თუმცა მანამდე სასტუმროში კაპიტალური რემონტის ჩატარება იგეგმება, რაც 10 მლნ დოლარი დაჯდება.
რემონტისთვის დაფინანსების მოძიება სამომავლო სტუმრების ხარჯზე მოხერხდა. განახლებული Mardan Palace-ს პირველი სტუმრები და პირველი ივენთი ინდოელი წყვილის ქორწილი იქნება, რომელიც წყვილმა სწორედ ამ სასტუმროში დაგეგმა.
„Mardan Palace თურქული აქტივია და იქ მუშაობას 200-მდე თანამშრომელი კვლავ აგრძელებს. სასტუმროს ელექტროენერგია ისევ არ მიეწოდება, თუმცა გენერატორები, რომელებიც აქტიურ მუშა რეჟიმში არიან. სამუშაოების ორგანიზებისათვის და უსაფრთხოებისათვის რაიმე ხელისშემშლელი პირობები არ არსებობს. უკვე მოლაპარაკებებს ვაწარმოებთ ტურისტულ კომპანიებთან 2018 წლის ზაფხულის დასაგეგმად.
ყველა ისინი ჩვენი პარტნიორები არიან. სააგენტოები, რომლებთანაც ჩვენ ვთანამშრომლობთ ყოველთვის მხარს გვიჭერდნენ. სასტუმროს პირველი სტუმრების ინდოელი წყვილი და მათი ქორწილის წყვილი იქნება. ქორწილის ბიუჯეტი 10-15 მლნ დოლარი იქნება. ამ გზით Mardan Palace ტურისტულ სეზონს ისევ გახსნის“, აღნიშნა Mardan Palace-ის გენერალურმა დირექტორმა სელჩუკ შენტეპემ.
როგორც ცნობილია, ხმელთაშუა ზღვის სანაპიროზე მდებარე, მდიდრული სასტუმრო Mardan Palace, რომლის მშენებლობაც 1 მლრდ დოლარზე მეტი დაჯდა, გასაყიდადაა გამოტანილი. მიზეზი სასტუმროს სერიოზული ფინანსური კრიზისია.
გასული ტურისტული სეზონის შემდეგ კი სასტუმროს დავალიანება კიდევ უფრო გაიზარდა.
როგორც ცნობილია ანტალიის წყალმომარაგებისა და კანალიზაციის კომპანიამ (ASAT) სასტუმრო წყლის გარეშეც კი დატოვა, რადგანაც სასტუმრო კომპანიის წინაშე არსებული 2 მლნ ლირიანი დავალიანების დაფარვასაც კი ვერ ახერხებს.
არსებული ფინანსური პრობლემების ფონზე, სასტუმროდან ვალების ამოღებას სახელმწიფო სოციალური სამსახური (SGK) გაუძღვა, თუმცა ამაოდ.
სასტუმრომ რამდენიმე სეზონის განმავლობაში სახელმწიფო ფონდში 51 მლნ ლირის გადარიცხვა ვერ მოახერხა და შესაბამისად მიღებულ იქნა გადაწყვეტილება სასტუმროს კუთვნილი სპორტული კომპლექსის გასხვისებაზე.
თურქული მედია წერს, რომ Mardan Stadyumu-ის, ორი საშუალო საფეხბურთო და ორი სავარჯიშო მოედნის მფლობელი მოგვიანებით გახდება ცნობილი, ანუ მას შემდეგ რაც აღნიშნულ ლოტზე ღია ვაჭრობა შედგება.
ასევე გასაყიდად გამოიტანენ სპორტული კომპლექსის გარშემო მდებარე სხვა ობიექტებსაც, საუბარია სპორტსმენებისათვის განკუთვნილ სასტუმროზე და ასევე საერთო საცხოვრებელზე, სადაც Mardan Palace-ისპერსონალი ცხოვრობს.
ყველა ობიექტის საწყისი ღირებულება 101 მლნ ლირას შეადგენს. იმის გამო, რომ სასტუმროს მენეჯმენტი პერსონალისთვის განკუთვნილ შენობას ყიდის, თურქული მედია უკვე წერს იმაზეც, რომ მომავალ წელს Mardan Palace აღარ გაიხსნება და სტუმრებს აღარ მიიღებს.
ავტორი: . .
